Fiskbúð Sægreifans er opin
virka daga kl. 9:00-18:00.
laugardaga kl. 10:00-14:00.
Hvað er á boðstólum?
Ferskur fiskur af ýmsu tagi, síld, hákarl, siginn fiskur, sigin grásleppa, hrefnurengi, selspik, saltfiskur og reyktur áll.
Reyktur áll – veislukostur!
Reyktur áll frá Sægreifanum er sannkallaður veislukostur. Sá sem á annað borð kemst á bragðið verður hollvinur álsins ævilangt og jafnvel lengur.
Kjartan Sægreifi fær álinn aðallega frá Járngerðarstöðum í Grindavík og af Mýrum í Borgarfirði. Hann reykir hann sjálfur í þýskum reykofni, frystir heilan og selur.
Kjartan er mikill áhugamaður um nýtingu áls, enda alinn upp við þennan merkilega fisk í Meðallandi í Skaftafellssýslu. Hann hefur nú keypt sér kænu, ráðið skipsstjóra og ætlar að stofna til álaveiða á vötnum á vötnum í Árnes- og Rangárvallasýslum. Sægreifinn verður þar með líka vatnagreifi.
Kjartan Sægreifi og Elísabet Jean Skúladóttir, rekstrarstjóri veitingahússins, handfjatla girnilega ála.
|
